На валютным рынку — кепская навіна для тых, хто хоча купіць даляры ці еўра

4 жнiўня 2023 у 1691157780
«Зеркало»

Даляр на гэтым тыдні на таргах Беларускай валютна-фондавай біржы даражэе, а расійскі рубель таннее. Еўра то дадае, то здае пазіцыі. Сітуацыя на таргах адбіваецца на курсах валют у абменніках. Так, курс продажу даляра ва ўсіх банках перавысіў 3,1 рубля, а еўра - 3,4 рубля.

Здымак мае ілюстрацыйны характар. Фота: TUT.BY

На таргах 4 жніўня курс даляра дасягнуў максімальнага значэння ўпершыню за больш чым 16 месяцаў. Да гэтага амерыканская валюта каштавала даражэй толькі ў канцы сакавіка 2022 года. Гэта адбываецца на фоне заявы Нацбанка пра дэвальвацыйныя рызыкі.

Найвышэйшы курс продажу банкамі даляра - 3,15 рубля («Цэптэр Банк»), а найніжэйшы - 3,119 рубля («БНБ-Банк» і «Статусбанк»). Яшчэ 3 жніўня курс продажу амерыканскай валюты дасягаў адзнакі 3,1 рубля ў двух банках.

Удакладнім, што ў розных абменніках аднаго банка курсы валют могуць адрознівацца.

Выгадней за ўсё здаваць амерыканскую валюту ў «БНБ-Банк», «БСБ Банк», «РРБ-Банк», «Статусбанк», «Тэхнабанк» - 3,105 рубля.

Самы высокі курс продажу банкамі еўра - 3,43 рубля («БТА Банк»), а самы нізкі - у «Статусбанк» (3,408 рубля).

Еўра выгадней за ўсё здаваць у «Банк ВТБ (Беларусь)», «БСБ Банк» - 3,367 рубля.

Нагадаем, у Беларусі па-ранейшаму складанасці з наяўнымі еўра ў абарачэнні. Многія банкі цяпер прадаюць толькі тыя банкноты, якія здаюць іншыя кліенты.

Самы высокі курс продажу банкамі расійскага рубля - 3,5 рубля за 100 расійскіх рублёў («Банк Рашэнне»), а самы нізкі - 3,31 рубля («Банк БелВЭБ», «БТА Банк», «Статусбанк», «Тэхнабанк»).

Амаль усе банкі прымаюць расійскія рублі па 3 рублі (выключэнне - «Парытэтбанк» - 2,9995 рубля).

Нагадаем, праз прыкметную разбежку ў курсах куплі і продажу беларускімі банкамі расійскіх рублёў у Telegram з'явілася некалькі чатаў па абмене валюты ў Беларусі. Іх карыстальнікі размяшчаюць абвесткі пра куплю і продаж. У назве аднаго з такіх чатаў згадваецца прозвішча экс-старшыні Нацбанка Пятра Пракаповіча, які ў 2014 годзе заявіў, што дэвальвацыі не будзе, але яна адбылася.

Чытайце таксама