З 23 жніўня ў карыстальнікаў з Беларусі і Расіі пачаліся праблемы з доступам да буйнога інтэрнэт-выдання пра відэагульні IGN і платформы How Long To Beat для збору статыстыкі пра тое, колькі займае праходжанне розных гульняў. Пра гэта піша DTF, заўважыў Devby.io.
Пасля пераходу на сайты ўсплывае паведамленне пра памылку 403 (забаронены доступ). Абодвума валодае амерыканская медыякампанія Ziff Davis. Мадэратар How Long To Beat пацвердзіў на форуме сайта, што рашэнне прыняла мацярынская кампанія.
«Прыносім прабачэнні за гэтую сітуацыю. Юрыдычная каманда нашай мацярынскай кампаніі прымусіла заблакаваць увесь трафік з Расіі, Беларусі і яшчэ некалькіх краін. У нас няма права голасу ў гэтым пытанні», — адзначыў мадэратар. Якіх яшчэ краін датычыць гэтае рашэнне, ён не ўдакладніў.
Пры гэтым іншыя выданні Ziff Davis у беларусаў пакуль адкрываюцца без памылак. Кампаніі таксама належаць рэсурсы Eurogamer, GamesIndustry.biz і Rock Paper Shotgun.
Нагадаем, раней у Беларусі абмежавалі доступ да гульнявога анлайн-сэрвісу Battle.net, платформе арэнды жылля Airbnb і кінасайта Megogo. Прычынай блакавання ўсіх трох сайтаў, а таксама нямецкага воблачнага правайдара Hetzner, стала патрабаванне Міністэрства падаткаў і збораў праз іх фіскальную пазычанасць.
Чытайце таксама на Devby.io:
Беларусское сообщество бизнес-ангелов Angels Band перезапускается в Европе
Кто и как отреагировал на задержание Дурова в IТ-сообществе
Хакеры атаковали французские госсайты после задержания Дурова