Патройны ракетны ўдар быў нанесены па жылой забудове на ўскраіне Чарнігава. Пра гэта паведаміў кіраўнік абласной ваеннай адміністрацыі Вячаслаў Чавус.
«Значна разбураныя некалькі дамоў. Ужо вядома пра аднаго загінулага чалавека. Ёсць параненыя. Пошукава-выратавальныя працы працягваюцца», — расказаў Чавус.
Начальнік Чарнігаўскай гарадской ваеннай адміністрацыі Дзмітрый Брыжынскі ўдакладніў, што, паводле папярэдніх звестак, раненні атрымалі чатыры чалавекі. Часткова разбураныя два дамы. Яшчэ ў некалькіх выбуховай хваляй выбіла вокны.